Bloavezh mat d’an holl !

Edito

Anvet eo bet ar gevredigezh « Tal an dour », ret e lâr e Purit ‘vez dour e pep lec’h. Ne ra ket glav muioc’h evit el lec’hioù all, met ‘pezh a gouezh eus an oabl a red en e aes amañ er gwazhoù, gwernioù, sterioù, lennoù ha me oar me… Meur a lec’h a-feson evit ar bleunioù hag al loened. Ster al Loc’h a zo unan eus ar sterioù diwezhañ lec’h ‘vez kavet c’hoazh meskl dour dous, ur seurt meskl hag a zo arouez an dour glan.

Ar bloaz- mañ, kevredigezh Tal an dour , ouzhpenn an animasion kinniget pep miz, a zalc’ho gant he labour gwelladenniñ ha kempenn glad ar gumun. Goude hent don Kerfavenn warlene e vo hadigoret hentig Kermarc’h, ul lec’h gleb ma vez. Ur santier all a vo graet war lamm-dour al Loc’h hag a vefe brav da lakaat war wel. Ar bloaz mañ, ken tost hag an dour evel kevredigezh Tal an Dour ne vo ket !

Degemeret mat ‘vo ar re a zeuio da sikour.

Kas un evezhiadenn

(*) ranket